შაბათი, 18.11.2017, 11:17
მოგესალმები სტუმარი | RSS

ინფო

სექციის კატეგორიები
ჩვენი გამოკითხვა
Оцените мой сайт
სულ პასუხი: 9
სტატისტიკა

სულ ონლაინში: 1
სტუმარი: 1
მომხმარებელი: 0
შესვლის ფორმა

სტატიების კატალოგი

მთავარი » სტატიები » ჩემი სტატიები

ძველი ეგვიპტის ღმერთები
1) ჰტაჰი – მემფისის შემოქმედ-ღმერთი, რომელსაც მუმიის სახე აქვს, აცვია თეთრი მოსასხამი. ის არის არქიტექტორთა, ხელოვანთა და მოქანდაკეთა მფარველი. მიჩნეული არის, რომ ჰტაჰი იყო ის ღმერთი რომელმაც ააშენა გემი, რომლითაც გარდაცვლილები საიქიოში მიემგზავრებოდნენ. გადმოცემებით ვიცით, რომ ის იყო არაჩვეულებრივი არქიტექტორი. ნათქვამია, რომ მისი შექმნილია რკინის ფირფიტა, რომელიც არის ცის დასასრული.

2) ხნუმი – ნაყოფიერების ცხვრისთავიანი ღმერთი-შემოქმედი. ის არის წყლის ღმერთი. ნათქვამია, რომ მისი შექმნილია პირველი ბავშვები ნილოსის ნაპირების წებოვანი ქვიშებით. ის ასევე იცავდა მზეს, როდესაც საიქიოში მოგზაურობდა…

 

3) ჰათჰორი – ცის ქალღმერთი, რომელსაც ზოგჯერ ძროხის სახე აქვს. ის იყო ჰორის ცოლი და ზოგჯერ მოიხსენიებოდა, როგორც ფარაონთა დედა. ეგვიპტელები მას მიიჩნევდნენ, როგორც ჩვენი გალაქტიკის "რძიანი გზის” შემქმნელს.  

4) ამუნ რა – ქორისთავიანი მზის ღმერთი. ნათქვამია, რომ რა ყოველდღე თავიდან იბადება. ის დაღამებისას გემზე სხვა დანარჩენ ღმერთებთან ერთად ჯდება და მიდის ქვეყნის დასალიერში ბოროტებასთან საბრძოლველად. იქ რა იღუპება, მაგრამ მაინც იმარჯვებს, ამიტომ ამოდის მზე ყოველ დღე. მომდევნო დღეს თავიდან იბადება და ისევ საბრძოლველად მიდის. ეგვიპტელები ფიქრობენ, რომ რას დამსახურებაა ყოველდღე მზის ამოსვლა.  

5) სეხმეტი – ლომი ქალღმერთი, რომლის სუნთქვაც უდაბნოს ცხელ ქარს წარმოქმნიდა. მისი სახელი წარმოქმნილია ეგვიპტური "სეხემ”, რაც ნიშნავს ძალას, ძალაუფლებას. ეგვიპტელები შუადღის სიცხეს აღიქვამდნენ, როგორც სეხმეტის რისხვას. სეხმეტი არის ექიმთა და ფსიქიატრთა მფარველი.  

6) მაატი – ჭეშმარიტების, სამართლიანობის და სამყაროს ჰარმონიის ღმერთი. მისი სახელი ეგვიპტურად "სიმართლეს” ნიშნავს. ეგვიპტელების აზრით, მაატი რომ არ ყოფილიყო, სამყაროში ქაოსი დაისადგურებდა.  

7) ბასტი – სიყვარულის კატა-ქალღმერთი, რომელსაც მთვარეს უკავშირებდნენ. ეგვიპტეში ყველა კატას ბასტს უკავშირებდნენ და კატის მოკვლა ბასტის შეურაცყოფად და დანაშაულად ითვლებოდა. ის იყო ამუნ რას შვილი და მას მოიხსენიებდნენ, როგორც "ამუნ რას თვალს”.  

8) სობეკი – ნიანგი-ღმერთი, რომლის ოფლითაც წარმოიშვა ნილოსი. ზოგ ლეგენდაში სობეკი სეთთან არის გაიგივებული, როდესაც სეთი ნიანგის ფორმას იღებდა.  

9) თოტი – იბისისთავიანი ან ბაბუინის სახიანი ღმერთი, რომელიც განათლებას და დამწერლობას მფარველობდა. ეგვიპტელები ფიქრობდნენ, რომ თოტი იყო ის, ვინც მათ დამწერლობა და სალაპარაკო ენა შეუქმნა. ის დაკავშირებულია ასტრონომიის, გეომეტრიის და სხვა მეცნიერებების განვითარებასთან. ნათქვამია, რომ მან შექმნა უმნიშვნელოვანესი "მკვდართა წიგნი”.  

10) მუტი – თებეს ძერა ქალღმერთი.მუტი ძველ-ეგვიპტურ წიგნებში და ფრესკებში გამოსახულია ფრთებით და უფრო ხშირად ძერის ან სვავის ფორმით. მუტი ხშირად არის მოხსენიებული როგორც "ყველას და ყველაფრის დედა”.  

11) ჰორი – მიმინოსთავიანი ღმერთი, რომელიც ფარაონს განასახიერებდა. მთვარე და მზე მისი თვალების აღმნიშვნელი იყო. ის იყო ისიდას და ოსირისის შვილი. ნათქვამია, რომ ის წინ აღუდგა სეთს და ღმერთები მიიმხრო, ამიტომ გამარჯვება მოიპოვა.  

12) ოსირისი – გარდაცვალების და მიწისქვეშეთის ღმერთი. გარდაცვლილთა მოსამართლე. ფიქრობდნენ, რომ ოსირისმა შექმნა ეგვიპტის ცივილიზაცია. ბევრ სურათებში მას ადევს მწვანე ფერი, რაც მკვდრეთით აღდგომაზე მიუთითებს.  

13) ანუბისი – გარდაცვლილთა და ბალზამირების ტურისთავიანი ღმერთი. სასაფლაოების მცველი. ის იყო მკვდართა წინამძღოლი, როდესაც ისინი საიქიოს გზაზე მიდიოდნენ. ის იყო მაგიის და შხამ-წამლების ოსტატი.  

14) ნეფთისი – ისიდას და,რომელიც გარდაცვლილებს მფარველობდა. ანუბისის დედა. ოსირისის და.  

15) ისიდა – დედების მფარველი ქალღმერთი, ოსირისის ცოლი და ჰორის დედა. ის იყო ყველანაირი ცოცხალის დედა და ყველანაირი სიცოცხლე მოდიოდა მისგან.  

კატეგორია: ჩემი სტატიები | დაამატა: herelli (09.02.2011)
ნანახია: 1583 | რეიტინგი: 2.0/1
სულ კომენტარები: 0
სახელი *:
Email *:
კოდი *:
ძებნა
საიტის მეგობრები