ხუთშაბათი, 28.03.2024, 23:28
მოგესალმები სტუმარი | RSS

ინფო

სექციის კატეგორიები
ჩვენი გამოკითხვა
Оцените мой сайт
სულ პასუხი: 9
სტატისტიკა

სულ ონლაინში: 1
სტუმარი: 1
მომხმარებელი: 0
შესვლის ფორმა

სტატიების კატალოგი

მთავარი » სტატიები » გამოგონება

ლილიპედი მოძრავი კუნძული

მოძრავი კუნძულები პეიზაჟს ისე ბუნებრივად ეხამებიან, რომ დატბორილ მარჯნის კუნძულებს შორის თითქმის შეუმჩნევლად იარსებებენ. თუმცა, ბუნებრივი მარჯნის კნძულებისგან განსხვავებით ამ უცნაურ კონსტრუქციებს აქაური ბუნების ადგილის დედასთან საერთო არაფერი აქვთ… საუბარია არაჩვეულებრივ მცურავ ქალაქზე. თითოეულ მათგანში 50 000 ადამიანს შეუძლია ცხოვრება! ეს ყველაფერი ახალგაზრდა ბელგიელი არქიტექტორის ვენსან კალებოს ფანტაზიის ნაყოფია. იგი მომავლის პროექტების სპეციალისტი და საერთაშორისო ჯილდოების მფლობელი გახლავთ, გატაცებულია ეკოლოგიით და დარწმუნებულია, რომ ეკოლოგიური უსაფრთხოების მხრივ არქიტექტურას შეუძლია XXI საუკუნის გამოწვევებს უპასუხოს. ამ შემთხვევაში მისი ამოცანა იყო გლობალური დათბობით გამოწვეული წყლის დონის ზრდის პრობლემის ორიგინალური გადაწყვეტა. წყლის დონის მატების შედეგი შესაძლებელია კატასტროფული აღმოჩნდეს მჭიდროდ დასახლებული ზღვის სანაპიროებისთვის, ან ვთქვათ, ბანგლადეშში, მდინარე ბრაჰმაპუტრას შესართავთან მცხოვრებ მოსახლეობისთვის. შესაძლებელია, ამგვარი ქვეყნების ტერიტორიების მეექვსედი განადგურდეს, თუ წყლის დონე 1 მეტრითაც კი აიწევს. ექსპერტები ვარაუდობენ, რომ ეს საშინელი წყალდიდობა მომავალ ას წელიწადშ მოხდება, შედეგად კი 250 მილიონამდე ადამიანი გახდება დევნილი!
სად უნდა გადავასახლოთ ისინი? მცურავ ქალაქში, – პასუხობს ვენსან კალებო, – ქალაქები, რომლებსაც დუმფარა დავარქვი, წყლის ზედაპირზე იტივტივებენ და კონტინენტზე მიბმულნი არ იქნებიან.

ოთხმოცწლიანი მშენებლობა!

ფაზა 1.პლატფორმის მშენებლობა


თავდაპირველად ხმელეთზე შეუდგებიან დაახლოებით 500 მეტრი დიამეტრის პლარფორმის მშენებლობას. 20 წლის შემდეგ, როდესაც უზარმაზარი "ჯამის” მშენებლობა დასრულდება, სპეციალური გამწევებით მას გაშლილ ზღვაში შეიტანენ და ქალაქის სიახლოვეს მოათავსებენ (მჭიდრო დასახლების გვერდით, ჩაძირვის პირას მყოფ მარჯნის კუნძულთან). აღსანიშნავია, რომ მშენებლები პლატფორმის ძირს ხისგან ამზადებენ. ეს იქნება უმაღლესი ხარისხის ბუნებრივი მასალა.

ფაზა 2."მთების” აღმართვა


როდესაც პლატფორმა უკვე ადგილზე იქნება, მუშები უზარმაზარი კბილების მსგავს ანძებს დაამონტაჟებენ, რომლებიც ისევე იქნება პლატფორმაში ჩარჭობილი, როგორც ბუტერბროტში კბილის საჩიჩქნი ჩხირები. მომავალში ამ საყრდენებზე აპარტამენტები დაშენდება. მანამდე კი ექსკავატორები ბლომად მიწას გადაზიდავენ და საყრდენ ბოძებთან დაყრიან. მებაღეები მრავალფეროვან მეურნეობას სწორედ ამ მიწაზე გააშენებენ. წლიდან წლამდე ამ პაწაწინა ტყეებისგან სამი სხვადასხვა გამწვანებული ზონა გაშენდება და კუნძულის "მთებად” გადაიქცევა. წვიმიანი ამინდებისას პლატფორმის ცენტრში მდებარე ბალასტი წვიმის წყლიტ გაივსება და ლილიპედის წყალსაწნევ კოშკად იქცევა.

ფაზა 3."დუმფარის ფოთლის” დაფენა


სამუშაოების დაწყებიდან ორმოცი წელი გავიდა… მთები უკვე მთლიანად მცენარეებით არის დაფარული. ახლა დროა, მთლიან პლატფორმას გიგანტური ქოლგა გადაეფაროს. იგი ამაზონის გიგანტური დუმფარის დაძარღვულ ფოთოლს (სახელწოდება ლილიპედი სწორედ აქედან მოდის Loily Pad ინგლისურად დუმფარის ფოთოლს ნიშნავს). ამ უზარმაზარ სახურავს, რომელიც ოც წელიწადში აშენდება, მოსახლეობა (ამარტამენტები "ფოთლის” განშტოებებს შორის მოეწყობა), ხოლო მეორე მხრივ, კუნძულის შიგნით მიმოსასვლელი გზების ფუნქციას შეასრულებს, რადგან "ძარღვების” შიგნით გადასაადგილებელი დერეფანი მოთავსდეს.

ფაზა 4.ბინების და ბაღ-ბოსტნების აშენება


კუნძულის კეთილმოწყობა დამატებითკიდევ ოციოდე წელიწადს გასტანს. იქნება 500 000 მეტრ-კვადრატი საცხოვრებელი ფართობის მომზადება. ათასობით აპარტამენტი სწორედ ლილიპედის სამ მთაზე (20, 40 და 60 სართულიან კორპუსებზე) განთავსდება. ამ სამუშაოების შემდეგ უკვე შესაძლებელი იქნება მთლიანი კუნძულის ტიტანის ორჟანგის ფენით გადაფარვა, ამ მეტალის შემადგენლობას დაბინძურებული ჰაერისგან "დაზღვევა” შეუძლია. ლილიპედი ხომ მჭიდროდ დასახლებული სანაპიროს სიახლოვეს იქნება. ამგვარად, ხელოვნური კუნძულის მოსახლეობას უფრო სუფთა ჰაერის სუნთქვა შეიძლება, ვიდრე მეზობელ ქალაქს!

გაშლილი ხედი ოკეანეზე


ლილიპედი აისბერგივით არის: მას გააჩნია ხილული "მთები” და ასევე ბალასტი წყალქვეშ. ხალხის დაბინავება კუნძულის ამ ნაჭილშიც იქნება შესაძლებელი – აპარტამენტები 40 სართულზე განთავსდება. "ეს აპარტამენტები სასტუმროს შეასრულებს, – განმარტავს ვენსან კალებო, – კუნძულზე მოსული სტუმრები აქ დაბინავდებიან”. სასტუმროს ოთახების ნახვის შემდეგ აქ სტუმრობას ნამდვილად არავინ ინანებს: ამ ოთახებიდან განუმეორებელი ხედი იშლება უკეანეზე… აქ დაგემოვნებული ზღვის პროდუქტები დაუვიწყარი იქნება!


კატეგორია: გამოგონება | დაამატა: herelli (25.03.2011)
ნანახია: 2517 | რეიტინგი: 4.0/1
სულ კომენტარები: 0
სახელი *:
Email *:
კოდი *:
ძებნა
საიტის მეგობრები